Soraarnerussutisiallit amerleriarneri ikileriarnerilu

Soraarnerussutisiallit amerleriarneri ikileriarnerilu ilanngutissallugit naleqquttuuvoq. Ataani takussutissiaq 4-mi aamma 5-imi takutinneqarput utoqqalinermi kiisalu siusinaarluni soraarnerussutisiallit amerleriarneri ikileriarnerilu piffissami 2017-imiit 2020-mut.

 

2017-imi soraarnerussutisiaqarunnaarsimasut tassaapput 2016-imi soraarnerussutisiaqarsimasut, 2017-imilu soraarnerussutisiaqalersimasut nutaat tassaallutik 2017-imi soraarnerussutisiaqartut, 2016-imiunngitsorli.

 

Takussutissiaq 6. Utoqqalinermi soraarnerussutisiaqalersut aamma soraarnerussutisiaqarunnaartutut, 2017-2020

	2017		2018		2019		2020
	Amerle-riarneri	Ikile-riarneri	Amerle-riarneri	Ikile-riarneri	Amerle-riarneri	Ikileriar-neri	Amerleriar-neri	Ikileriar-neri
70-it inorlugit .	99	92	267	79	359	73	396	73
70-74-inik ukiullit	20	91	22	70	28	87	38	81
75-79-inik ukiullit	6	71	7	81	9	83	7	91
80-89-inik ukiullit	3	75	4	79	1	92	5	68
90+ ........	0	8	0	10	0	12	0	10
Katillugit	128	337	300	319	397	347	446	323

Najoqqutaq: Naatsorsueqqissaartarfik- kisitsisaataasivimmi kisitsisit takukkit (https://bank.stat.gl/SONAPE3).

 

Takussutissiaq 7. Siusinaarluni soraarnerussutisiaqalersut aamma soraarnerussutisiaqarunnaartutut, 2017-2020

	2017					2018				2019				2020
	Amerle-riarneri			Ikile-riarneri		Amerle-riarneri		Ikile-riarneri		Amerle-riarneri		Ikileriar-neri		Amerleriar-neri		Ikileriar-neri
18-24-nik ukiullit		27	4		27		5		30		5		12		4
25-34-nik ukiullit		11	10		18		8		26		4		18		4
35-44-nik ukiullit		9	8		18		7		13		10		16		5
45-54-inik ukiullit		27	33		78		32		65		35		55		31
55-64-inik ukiullit		94	94		175		69		126		70		123		66
65+		12	0		19		109		11		142		20		117
Katillugit		180	149		335		230		271		266		244		227

Najoqqutaq: Naatsorsueqqissaartarfik- kisitsisaataasivimmi kisitsisit takukkit (https://bank.stat.gl/SONFPE3).

 

Utoqqalinermi soraarnerussutisiaqarsinnaanermut ukiut killigititat januaarip aallaqqaataanni 2017-imi 65-iniit 66-inut qaffanneqarput.

Tamanna siullermik ima isumaqarpoq: Utoqqalinermi soraarnerussutisiallit katillugit amerlassusaat apparpoq. Aappaattut: Siusinaartumik soraarnerussutisiallit katillugit amerlassusaat qaffappoq, tassani siusinaartumik soraarnerussutisiallit 65-inik ukiullit tamarmik utoqqalinermi soraarnerussutisiaqalernissamut ukiumik ataatsimik sivisunerusumik utaqqinerusussanngormata.

 

2017-imi utoqqalinermi soraarnerussutisiaqalersinnaanerup killigititaata qaffanneqarnerani siusinaarluni soraarnerussutisiallit 109-nik amerlatigisut utoqqalinermi soraarnerussutisiaqalernissaminnut ukiumik ataatsimik utaqqeqqipput. 2017-imi nalinginnaanngitsumik appariaateqarput (149), tamanna nalinginnaasumit 50-70 pct.-inik annertussuseqarpoq. 2018-imili utoqqalinermi soraarnerussutisiallit nalinginnaasumit 140 pct.-imik annertutigisumik amerleriarput.

 

2017-imi 39-t 66-inik ukioqalinnginnerminni utoqqalinermi soraarnerussutisialittut nalunaarsorsimapput. Taakku ukiumoortumik kisitsisini 3.789-iusuni ilaapput, kisitsisaataasivimmili ukiut malillugit pct-inngortinnerini ilanngullugit naatsorsorneqanngillat, pct.-inngortitsinermi annertussusaat eqqunngitsumik inissisimalissammata. Tassani kisitsisaataasivimmi tabelini SOXAPE1, SOXPEN2 kiisalu saqqummersitami matumani takussutissiaq 2-mi saqqummersinneqartut pineqarput.